I puta a ihi, i puta a wehi i ngā tamariki kura tuatahi o Tāmaki Makaurau i te rangi tuatahi o te whakataetae ā rohe, e tū ana ki te Kura Kaupapa Māori o Mangere.
Ahakoa te pupuhi o te hau, ahakoa te heke o te ua, hīkaka tonu ana te tū a ngā pitomata toki kaihaka o apōpō.
Ahakoa ko te rangi tuatahi anake o te whakataetae, i tutū ai te puehu i ngā kapa o ngā kura tuatahi o Tāmaki Makaurau i tēnei.
Mo ētahi o ngā kaiwhakawā he tuatahitanga tēnei, kāti i mīharo pai rātou i te taumata i whakaputa ai a ihi, me wehi i ēnei pipipaopao o te ao haka.
Mārakerake ana te kitea te kounga o tērā i puta i ngā kapa kura kaupapa, ko ētahi i poi i mua i a rātou e ngaoki ana.
Hei āpōpō haere tonu ai ngā tūtanga, hei te mutanga iho ka mōhio ko wai hua, ko wai tonu.
