He tohu aroha te hoatu a Te Whānau a Apanui i te taonga Duncan McIntyre ki te whānau Wehi. E ai ki te maāngai o Te Whānau a Apanui ki a Rawiri Waititi me hanga taonga hou, nā he wero nui ki Te Matatini.
He tohu o Te Mana nui a Ngapo Wehi.
Hei tā Waititi ki a Te Kāea, “Me waiho ko Te Whānau a Apanui te whakamutunga o tēnā o ngā taonga a Duncan McIntyre. Kua haramai mātou ki te mauria mai tērā taonga ki a koe, kāre mātou mō te whakahokia, me haria.”
Kua tae mai a Duncan McIntyre ki ōna rekereke.
He korero tēnei mai Waititi ki runga I te paepae, “Nā i rongo au i ngā kōrero a tō pae i a Derek te kaiwhakairo, māna e whakairo, mā mātou e sponsor tētahi taonga ko te Ngapo me Pimia Wehi Memorial Trophy.”
He wero nui ki te Heamana o Te Matatini a Selwyn Parata.
“Mehemea kei konei koe Selwyn, whakahē mai ināianei, kite au i a koe e noho mai nei i te taenga mai o te Kingi, ā, kua whakaaetia, haria te taonga,” hei tā Waititi.
Nā ko Kingi Tuheitia tētahi o ngā manuhiri i eke ki te poroporoaki atu ki a Ngapo.
E ai ki tetahi o ngā pouako mai te roopū kappa haka o Te Pou a Mangatawhiri a Tony Walker, “He whakaaro rangatira, he whakaaro tika, heoi anō tēnei nā ko ana matamata huanga, ko ana hoa, ko Duncan McIntyre tētahi o ana hoa mai rā anō, he tika.”
Hei tā Tamati Waaka nō te kapa o Te Whānaui a Apanui, “Ko ia anake kei tana torona, kāre tētahi e tata atu, engari he momo tangata anō.”
E ait e te matanmga reo Māori a Timoti Karetu, “He ngākau whakaiti tō te tangata nei. Ko te ao haka hoki kei te mōhio, kāre he ao whakahīhī kē atu i te ao haka, nā reira whakahau ki tana kapa kia whakaiti, kia whakaiti, kia whakaiti, he tino kōrero tērā ka pā ki ngā kapa haka katoa mēnā rātou ka whakarongo.”
Kaore Te Tumu whakarae o Te Matatini a Carl Ross e Waatea Ana Te Kōrero ki a matou heoi Kaare e kore Ka ata whakaaro Te Matatini I te Tono Kia tohua he taonga hou mo Te motu.