He hōnore nui tēnei mō Pānia Papa (Ngāti Korokī-Kahukura, Ngāti Mahuta) kua whakawhiwhia nei ki te Tohu Āpiha i roto i Ngā Tohu Hiranga o Aotearoa mō te tau hou.
"I te taenga mai o te karere ka whakawhiwhia au ki tēnei hōnore, ka rere ngā whakaaro ki aku tūpuna Māori i te taha o tō mātou pāpā me aku tūpuna Pākehā i te taha o tō mātou whaea nō Ingarangi," hei tā Pānia.
Kua maringanui te iwi Māori ki ngā raupanga a Pānia kia whakamāoritia i te ao, kua tutuki i a ia i ngā moemoea o ōna tūpuna kia hora i ngā uri whakatipuranga i ngā pukapuka reo Māori, i ngā pakiwaituhi reo Māori, kia Māori te ahua o te kāinga.
Hei tā Pānia mā Vivienne Girdler tōna māmā tēnei hōnore ka whiwhi, kia whakakanohi i ōna raupanga mō te hapori whānui.
“Ko ia te tauira o te māia, o te ngākau titikaha, o te whakapau kaha mō te hapori whānui. Nōna te ahurea i ahu mai ai tēnei hōnore, ka mutu, nōna te kaha ki te noho mai ki Aotearoa i waenga i te hapori o Korokī-Kahukura whānui,” hei tāna.
Ko Pānia tētahi o ngā taratihī tuatahi o ‘Kotahi Rau Pukapuka’ e manako āna ki te whakaputa kotahirau pukapuka i te reo Māori hei tē 25 tau, katahi āno ko ia tēra i whakamāori ā-tuhi i ngā pukapuka 12, ā, i ngā pakiwaituhi rongonui o Aotea (Spongebob Squarepants & Dora The Explorer).
