I tukua a Ralph Hotere ki te wā kāinga kia takoto ki te taha o ōna tīpuna.
Ko ngā mahi a te koroua nei, he 81 tau te pakeke, ētahi o ngā mahinga o mōhoa, whai tikanga rawa atu o Aotearoa.
Haruru pai ana te marae o Matihetihe mō te tangata i pai kē atu kia waiho mā āna mahi kē e kōrero.
Hei tā Pita Martin (Te Aupōuri, Te Raukahinga), "Āe, ahakoa he tangata tautoko i ērā tāngata i a Hone Harawira mā, engari i roto i āna peita. Pērā i a Paul Holmes na, i tana wero atu ki te tangata mangumangu nei, kātahi a 'Raukura' ka peita."
Heoi, hei tā te mema pāremata o Te Tai Tokerau, a Hone Harawira, "Ka tū pekepeke mātou, ka tuhituhi ia. Ko āna mahi ka utungia kua nui rawa te utu, ko te utu mō mātou, ko te mauhere."
E rua ngā pō i whiriwhiri ai te whānau pani ko hea te takotoranga mutunga mōna.
Heoi, ko Hione te wāhi okioki mō tēnei rangatira i noho tawhiti atu i tana kāinga tupu.
Kua mahue pani nei i a Hotere ko tana pouaru, tāna tamāhine, me āna mokopuna tokotoru.
Kairīpoata: Dean Nathan