Kua rongo te hunga mātakitaki i Te Matatini i te reka o ngā mahi kapahaka, ā, e werohia ana hoki rātou kia rongo i te reka o te kai a te kaihaka ki ngā toa hoko kai a Te Matatini.
Ko te kai o te reo, te wairua, me te tinana, kua mahue ake ngā kai parai, ā, ko te kai hauora te tino, e ai anō ki te whāinga hōū a Te Matatini.
E ai ki a Hana O’Regan o Ngāi Tahu, “Kāore i kō atu i ngā kai i ahu mai i ō tātou tipuna tonu hei whakaora anō i tō tinana i tō katoa.”
Ōrite hoki ngā whakaaro a Darren Apanui, ko tāna, ko te whāinga kia whakaiti i te kai hinu i tēnei tau, inā ko ngā toa hoko kai katoa o Te Matatini e whai i ngā tohu o te kai hauora.
Ko ngā kai o te kāuta e ora tonu, heoi ko te huamata me tāpiri atu ki ngā paraoa parai.
E ai ki a Hana O’Regan, “Ko rātou e haka ana, me te mohio ēhara nā te kore noaiho, ko te hekeheke o te werawera o rae, me te pakari o te tinana i tutuki.”
Ko tā te mema paremata o Tāmaki Makaurau ko tā Peeni Henare, “He miharo, inanahi rā i tae atu ahau i roto i te kainga o Te Waka Huia ki konei ki Ōtautahi, e hoa ko te protein shake te kai o te rōpū rā. Nō reira ka tika me huri ngā kai ki ngā kaihauora.”
Ko te whakatau mō te ara kai hōū ā te nuinga he reka mo te tinana mo te wairua hoki.
