Ko tā tētahi pūrongo a te Mana Whanonga Pirihimana i puta i te rangi nei, he nui ngā ngoikoretanga i roto i te whakatewhatewhanga a ngā Pirihimana, i ngā mahi hara a tētahi rōpū taitama i tapaina ki te īngoa Roast Busters.
He kaupapa i whakaoho i te iwi, katahi anō ka whakaoho i te Ope Pirihimana.
E ai ki ngā kitenga, i takahi ngā Pirihimana i tō rātou ake kaupapa kia āta tirohia ngā mahi tūkino ki te tamaiti, mēnā ka unu te tamaiti i tōna amuamu.
Otirā kaore ngā Pirhimana e titiro mēnā kua whai wāhi atu ngā tāne rā ki ētahi mahinga o muri.
Kua rua tekau tau a Louise Nicholas e whawhai ana kia murua te pāwheratanga ōna, nōna e puareinga ana. E mōhio ana ia i ngā paheketanga o te punaha whakatikatika mō ngā whakahere o te mahi pāwhera.
E ai ki te kaikōmihana Pirihimana, he mahinga taratahi tēnei, engari e ai ki a Nicholas ki te kore e tuku i ngā akoranga tika ki ngā Pirihimana, ka hē mai anō.
Ka tuku whakapāha te Kaiārahi ā rohe o Te Wāitematā ki ngā pārurenga, engari kua tōmuri rawa pea mō rātou i pāngia e ngā mahi a ngā Roast Busters.