Ki te rā tekau mā toru o te whakataetae Pacific Games, kua wikitōria a Aotearoa i tā rātou mētara tuatahi ki ngā kēmu, nā Andrea Kilday i wikitōria ki te reanga o raro i te whā tekau mā ono kirokaramu te taumaha i ngā mahi Taekwondo.
I wikitōria te kaiwhawhai, he toru tekau mā rua ngā tau inapō, kia kitea a Aotearoa ki te tūranga tekau mā whā i te tēpu whakataetae. Hēoi kia titiro ake tātou ināianei ki ngā piki me ngā heke o te whakataetae i te rā tekau mā toru.
Kei mua tonu a Papua New Guinea i te tēpu whakataetae, e ono ngā metara koura nui ake ia New Caledonia, ā, nā te maha o ā rātou kaiwhakataetae omaoma, kāre e kore ka piki anō te kaute mētara.
Ia New Caledonia te tūpono ki te wikitōria i tētahi mētara koura anō, kia tata ake kia Papua New Guinea, ko Vanuatu tā rātou hoariri ki ngā whiringa toa tēnehi takirua mō te hunga tāne.
Mai te tīmatanga i whakaatu atu a New Caledonia ko rātou te tino kapa o tēnei tukinga, he ngāwari noa tā rātou tuku i ngā pōro kia kore te hoariri e whakahoki.
Ahakoa te kaha aru a Vanuatu kia wikitōria tā rātou mētara koura tuarua o ngā whakataetae.
He pakari noa a New Caledonia, kia wikitōria i te mētara koura kia Vanuatu.
Ki te poirewa tātahi, ko Tonga, ko Rarotonga ngā kapa i tae ki tēnei whiringa whāiti tuarua, ko Tonga i te whero i hinga i te kotahi tukinga noa i ngā tukinga e whā.
He pakari a Rarotonga, ā, i whakaaro ake rātou i wikitōria i tēnei piro.
Heoi he nanakia te mahi a Tonga kia eke te pōro ki te taha o te hoariri me te wikitoria i te tukinga, kia tae ki ngā whiringa toa apōpō.
