Ko ngā matikara o Mahuika ērā i totoro atu ki ngā mea katoa i mua i tōna aroaro. Ko ngā wāhi o Forrestfield, Kenwick me Wattle Grove i pā kinotia.
'9 News' i Ahitereiria ēnei pikitia i kapo e whakaatu ana i te tuanui o tēnei whare ki Kenwick, me ēnei kōpapa i mumura katoa i te ahi.
Ka mahi a Wendy Tahu-Edwards ki Forrestfield, hei ko tana i tere rawa te whiu a Mahuika. Hei tāna, “We were talking to the fire fighters that were waiting just in case it had flared up again. At the moment it's 29 degrees and it's climbing so they are worried about the fires starting again.”
Kei te noho haumaru a Wendy me tōna whānau ināianei, ā, e ai ki Te Tari Patu Ahi kei te mataara rātou i te ahi.
E ai ki Te Tari Patu Ahi, me mataara hoki te iwi ki te takiwā i te auahi, i te ahi kāpura rānei.
