E noho mīreirei ana te kaiārahi takirua o Te Rōpu Kākāriki i tōna tautoko i a Metiria Turei, i te au o ngā whakawhiu o te wā. Ā, ka tautoko tonu ia i tōna hoa mahi ahakoa ōna whākinga hara.
Kua puta ngā kōrero a ngā kaipōti mō te mahi a Metiria, e whirirua ana ngā whakaaro.
"Matua pōuri ana ahau ki te Rōpū Kākāriki me te kaiārahi o Te Rōpu Kākāriki a Metiria."
"Ki au nei, me aukati a ia, me haere mai tētahi atu, arā, tētahi rangatira hei whakakī i tōna wāhi."
"Inā e hiahia ana ia kia oti āna mahi kia tika tonu, kei a ia tērā mana."
Ko tā te kaiārahi takirua Kākāriki a James Shaw, kei te tautoko tonu ia i a Metiria, ahakoa āna whākinga hara.
E mea ana ia, āe i tautoko ahau i a ia me ōna whakatau katoa mai i taua wā. He mōrearea tērā aronga mōna ake mō te kaupapa whaiwhai pōti hoki, ēngari ki a mātou nei, he painga anō i roto i tērā whakatau."
E whakaae ana ia, he whakataunga uaua ērā mahi hara taware.
Hei tāna, mehemea ka whiriwhiri ahau kia whangai i taku tamaiti me te kore aro atu ki ngā ture, he whiriwhiri uaua rawa tēnā.
Kāore ia i te rite kia tū hei kaiārahi mō te rōpū me tōna kotahi.
Kāore e kore ka ārahi māua ko Metiria ki te pōtitanga a motu me te putanga atu ki tērā atu taha hoki, e kī ana a Shaw.
Nō reira, kei ngā kaipōti kē te mana whakatau.