He hakatupu koura te mahi a te tarahiti o Ngā Ngāhere o Ngāti Hine’ koirā te kōrero a te CEO, Huhana Lyndon
Mo te whakatuwheratanga o te ahumāra hua kiwi hou ki Waipapa i te Tai Tokerau i te rangi nei.
Ko te ahumāra hua kiwi tuaono tēnei i hokona e te tarahiti o Ngā Ngāhere o Ngāti Hine ki roto i te Keirkeri, ka neke atu i te whā tekau heketea te whenua whakatupu hua kiwi kei roto i ngā ringaringa o te tarahiti i aianei, e whakawhanui ai tā rātou mahi pākihi ki roto i te Tai Tokerau.
He kaupapa mahi tahi tēnei me te kamupene nui o Seeka e whakaakona ai ngā uri o Ngati Hine ki ngā mahi whakatupu hua kiwi kia whai tohu ahuwhenua, whai mahi ano hoki.
Hei ngā wiki e rua e ka tata mai nei ka timata ngā akoranga ahuwhenua ki ngā uri e ono tekau mo ngā wiki e rua. Ka mutu ki reira, ka puta tika atu rātou ki ngā ahumāra hua kiwi mai ai. Hei tā Pita Tīpene, Heamana o te tarahiti ‘Kei a rātou ētahi pukenga kahore i a mātou. Kei a mātou ētahi pukenga kahore i a rātou’ ‘kia whai hua anō te whanau, kia whai oranga ano hoki ki roto i ngā kai hauora’.