Kei te kaha tonu a Braid ao ake i ngā tukinga iwa tekau ma iwa. Kā whakahīhī hoki ia hei te Rāhoroi i tana tukinga kotahi rau mā Tamaki Makaurau. Ko tā Braid “ he kemu nui whakaharahara tenei a i aronganui au i te mutunga o te whiringa whāiti nā te wareware kahore pea e tutuki”.
Māmā noa hoki tana hoki mahara atu ki tana takaro tuatahi mā Tamaki Makaurau me te kaitakaro Ō Pango a Ali Williams ki tōna taha,i raro hoki rātou i te maru o te kaiako Wayne Pivac i taua wā. Ko tā Pivac “he tino kaitakaro ia mā Tamaki, kahore ia i te tangata nunui rawa engari he nui tana manawa, pau katoa hoki tana kaha i nga kēmu katoa.”
Ko te tumanako a Braid ka taea e ia te takaro i tana kemu kotahi rau ki te taha o Ali Williams, heoi ko te aronga nui ko te wikitoria i taua kemu kia maumahara koa i a i taua takaro mo ake tonu atu.
