I haukerekerehia e te huripari taumata tuawha, a Evan ngā moutere o Whīti mo te roanga ake o te ra me te pō. Kō atu i te rua mano ngā tāngata i oma atu i ō rātou kainga i Lautoka me te rapu taumarumaru inapō. Aō ake i te ata nei, e noho ana ētahi kainga o te pā o Wailotua i raro wai, ā, kei reira tonu ngā awangawanga mo te tiriti o Kings i te takiwa o te uru o Whīti. I kō i ngā tai o Viti Levu te karu o te āwha inanahi. Katahi ka whakatetonga a ia i ngā hāora moata o te ata, engari inaianei kua mahea ake te ra.
Hei tā tetahi o nga Mana Ohotata a Elizabeth Powell, nā te noho matāra o te motu o Whīti, kare i aitua rawa ngā iwi o reira i te wā i pāngia rātou e ngā whiunga a Evan, engari ko te tatari whakamutunga ko te nui o te kini ki te taha ohanga.
