Nā te komiti kapa haka ā rohe o Te Taitokerau te whakatau, ka whakataetae ngā kapa ki mua i ngā kaiwhiriwhiri, kaua ki mua i te iwi tūmatanui, nā te mate COVID-19 te take.
He whakatau i āta whakaaroarotia e ngā mema o ngā rōpū katoa i tae atu ki te hui a te komiti whakahaere i te taiopenga "Maranga Mai E Te Iwi" mō ngā whakataetae kapa haka ā rohe 2020 i Te Taitokerau.
“We will work with the venue owners to ensure all logistics are safe,” te kōrero a Ropata Diamond.
I whai wāhi hoki ngā rōpū ki te whiriwhiri i te wā e tika ana kia tū ki mua i ngā kaiwhiriwhiri.
He tuatahi te tū pēnei o tētahi whakataetae kapa haka ā rohe, kia noho haumaru ai ngā whānau i te wā o te mate ā ao nei. E hia nei ngā huihuinga nui o te motu kua whakakorehia nā runga i ngā rāhuitanga a te Kāwanatanga.
15 ngā kapa kua rēhita mō te whakataetae ka tū hei te 28 o Poutūterangi 2020.
Ko Whakaata Māori ka whakapaho mataora i te whakataetae ki te ao, kia āhei ai ngā whānau ki te tautoko i ngā kapa e kimi tūranga ana ki Te Matatini 2021 ki Tāmaki.
Te whakaraupapa o ngā kapa:
1. Hātea Manawanui
2. Ngāti Wai Kaumātua
3. Ngā Hua O Te Kākano
4. Te Kapa Haka o Karanga Maha
5. Waerenga Rangi
6. Hato Hōhepa
7. Te Au Warawara
8. Te Rua O Puanga
9. Te Kapa Haka o Ngāti Hine
10. Te Aupōuri
11. Waerenga Te Kaha
12. Puangarua
13. Muriwhenua
14. Hātea Kapa Haka
15. Ngā Manu Matui