I rangitahi te whakāe a te whakaminenga i te hui motuhake a Waikato- Tainui, kia aro te iwi ki te rongā i ngā take Kawanatanga i riri tarā a whare āna whakahaere.
Ko tā tētahi o nga mema o Te Kauhanganui ko Norm Hill ko te nuinga o ngā raru kei te puta mai i te hiahia rerekē a tētahi ki tētahi, ko tāna ma te whakaiti i te nuinga o ngā mema o Te Kauhanganui ka whakaiti pea i ngā tautohe ka pupū ake.
Tēra ngā pātai ā tētahi uri mēnā i tika rānei, kia kawea ko te kōkiritanga o tenei take i raro i te ingoa o te Kingi, inā kāore anō kia tau noa ngā kūrakuraku i waenga i te Kingitanga me te Rūnanga Paremata ā iwi.
Ko tā Rererangi Eketone i ētahi wā kare he take tenei mo te Kingi, engari ko tāna ano ka huri ngā korero ki te kii kei te Kingi te katoa o te mana whakaritenga mo te Kawanatanga o te iwi.
Kō tētahi korero i kaha ranonga huri noa i ngā whārikitanga korero ko te whakakōkuhu mai i ngā rangatahi ki ngā mahi whakarite rautaki mo te whai wāhitanga mai o te iwi, matua rā ki ōna ohu Kāwanatanga.
Ka tū tētahi komiti ārahi hei whakahaere i te whakatakotoranga o ētahi hanganga Kawanatanga hōu, heoi mo te tohu i aua mema, kāore ano kia mārama noa kia pehea.
He hui anō mō ētahi taku ka tū hei te tuatahi o Pipiri, ā, ko te whakapae ka puta ētahi whakatau rīra nei hei taua wā.
