I anga whakamua ngā whakahaere o te whakataetae waetea taumano o Tarawera i te ra nei, ahakoa ngā whakatupatotanga e pa ana ki ngā tohu huarere e titiro ana ki te marangai Ruihi.
Na ngā kaiwhakahaere i kokiri whakamua i to rātou whakahuinga hakinakina e tu ana ki Rotorua me Kawerau.
Hei tā Simon Hertnon, “Te tikanga he kotahi rau kiromita te tawhiti, engari na ngā tohu huarere, kua heke iho ki te ono tekau ma rima kiromita te oma.”
Koinei te wa tuaono o te whakataetae waetea taumana o Tarawera he oma roa te mahi, a, he kotahi rau kiromita te whainga.
Ahakoa ngā whakatupato mō te māngai Ruihi e huri ana i a Aotearoa, upoko pakaru ana ngā whakahaere kia hāere tonu te kaupapa.
A ko te ngahere o Whakarewarewa i Rotorua te timatatanga, a ka mutu ngā mahi ki Kawerau hei te ahiahi po nei, otira hei apopo te wahanga tuku taonga.