Ki te Czech Republic, nō te rā nei tae atu ngā whānau o ngā rangatira Māori i peitahia e te kaipeita rongonui a Gottfried Lindauer i tērā rautau, ā hei whakanui i tōna whakakitenga whakaharahara i whakataki i tētahi hui hei kawe i tōna mate ki te wā kainga.
He rā mō ngā uri o Gottfried Lindauer hei whakamana i tō rātou tūpuna nāna nei ngā rangatira o te ao Māori i tā.
E ai ki a Ngahiraka Mason, “He mea hou tēnei kia rātou ki te hoki mai ki tō rātou kainga tūturu ana kei te mīharo kua mahia a kua tutuki.”
E ngā tūpuna i karanga nei ngā wairua mai i a mātou kia haere mai ra ki te mau mai i te kaiwhakatā te kaiwhakaahua ia koutou, tēnei te mihi atu.
He rā hoki e tūwhera wawe ai tēnei whakaaturanga ki te hunga pāpāho o te wā kainga.
He rā e kore e warewaretia e ngā uri o Gottfried Lindauer. Mō ētahi hoki, he tuatahitanga kia tae a tinana mai ki te kainga tupu o tō rātou tūpuna.
Ki tā Ngahiraka Mason, “Mea whakarerea e ia tana kainga i tērā rautau koinei te wāhanga tuatahi ka hoki mai tana wairua ki waenganui i tana iwi me te whakatau i tērā nē.”
Hei āpōpō ko Ngāti Rānana ngā kaiwhakangahau i te iwi i mua i te tūwherahanga mārika o tēnei whakaaturanga ki te katoa.