He taumata a Far North's Got Talent e āhei ai te rangatahi ki te whakatairanga i ōna pukenga me te piri tata atu ki ngā whetu rongonui hei tauira pai anō mō rātou.
Kī pai ana te whare tapere o Kaitaia mō ngā whiringa toa o Far North's Got Talent.
Tekau mā ono ngā kaiwhakangahau taiohi mai i ngā tau e rima ki te tekau mā waru.
Ēngari ehara i te mea ko te wikitoria te mea nui. Tā Kihi Ririnui, ko te hono o te rangatahi ki ngā kaiwaiata rongonui, pēnei i a Tina Cross rātou ko Beau Monga, ko Majic Paora kē te mea nui.
Mō ngā marama e rua ngā kaiwhakataetae whā tekau mā iwa, e kimi pōti ana ki te pae ipurangi e uru atu ai rātou ki ngā whiringa toa.
Ko ngā toa ko Kapowairua Waitai mō te wahanga teina, he waru rau tāra te whiwhinga. Ko Bowen Matthews rāua ko Manawa McLeod mō te wahanga tuakana, he kotahi mano tāra i whiwhinga.
Mō te roanga ake, mātakitaki i a Far North's Got Talent ki runga tehiku.nz