Koni atu i te toru tekau mā whā mano tāngata i mātaki atu i te waiata i te pukamata. Nā Rei me tana waiata e Kī i Māori ai ngā arero rotarota puta noa i te motu me te mea nei ka whakarewa tana kōpae pūoro reo Māori.
Nō mai rā anō tēnei uri o Ngāti Huia e wawata ana kia tupu te reo i te ao hip hop. Me te āhua nei e pai ana te marea ki tēnei āhua.
Ko Maisey Rika, ko Rob Ruha, ko Alien Weaponary ētahi o ngā kaiwaiata i whakamāori i ā rātou momo puoro. Anō i a Rei ka pērā hoki ia i te ao hip hop.
He whakaaweawe nui i tau ki a ia i te wā i whakaputaina tana waiata hundy club i te tau rua mano tekau mā ono ka mutu e whakamahi ana ia i taua awe kia pei i te reo ki te aroaro nui.
Hei tāna kei reira tonu a hahani erangi he nui ake mana i te mōhio e whakatupu ana ia i te reo.
Hei te mutunga mai o tēnei marama whakarewa ai tana kōpae pūoro reo Māori, Rangatira.
