Ko te kōtahitanga te iho mō te whakataetae-ā-tau o Te Mahepohepotanga i tū ki Māngere, he whakataetae mō ngā kura Māori i Tāmaki Makaurau, mai te wharekura ki te kura auraki.
E whātoro ana ki te honohono i ngā kura o te takiwā.
Hei tā Atakura Hunia o Ngā Puna o Waiorea, "He wāhi hei whakakotahi ai i ngā kura Māori o Tāmaki Makaurau, kia hui tahi ai tātou tonu i raro i te maru o te hakinakina."
E whitu tau tēnei kaupapa e tū ana, ā, e whitu ngā kura e whakataetae ana i runga i te karanga tuatahi o Te Kura Māori o Ngā Tapuwae, nāna anō i whakaihuwaka i tērā tau.
E ai ki a Harley Maika o Te Kura Māori o Nga Tapuwae, "He aronga anō hoki atu i te kapa haka, nō reira koira te tino hōnore kia mātou o Ngā Tapuwae ko te whakakotahi i ngā kura."
I whakakaha ake te whakaaro kotahitanga i te hononga o Te Wharekura o Māngere, Te Wharekura o Puau me Te Wharekura o Manurewa, koia ko Ngā Wharekura Māori.
Ko te whakahua i te reo te whāinga kō atu.
"Kei reira te kākano, mā tēnei reanga pea, mā te reanga o āpōpō te kākano e whakaoreore kia reo Māori tēnei kaupapa o tātou. "Koinā tā te kaiako, tā Hammond Matua e whakapono nei.
Ko Te Kapunga te toa poitarawhiti mō te wā, ā, ko Ngā Tapuwae te toa whutupōro rīki.
