Kei tōna tau tuatoru ināianei Te Kura Reo o Ngāti Whakaue e whakaako ana i tōna mita, i ōna tikanga hoki. Ko tōna aronga nui, ko te whakapakari i tō rātou reo kia tauwhirotia ai hei ngā rā kei tua.
Hei tā Rawiri Waru, "He pai kē atu ma Ngāti Whakaue anō a Ngāti Whakaue e kuhu i roto i anga mahi katoa, ā, otira te reo."
I ara ake te hiahia o tēnei wānanga i runga i te ngākaunui o Ngāti Whakaue kia whai mana ai te reo Māori ki roto i āna tirohanga whakamua, ka tau nei ki runga i tōna mita me āna tikanga.
Hei tā Kingi Biddle, "I tImata mai ngā kaupapa nei i raro i te hiahia o ngā kuia me ngā koroua o te wā, na te ngarohanga hāere, ngā te mimiti haere o te paepae o Ngāti Whakaue."
Neke atu i te waru tekau ngā tāngata kua tae mai ki tēnei wānanga, neke atu i te whitu ngā wāhi akoranga ko etahi o ngā māngai kauhau kei roto ko Tawini Rangihau, Kahurangi Maxwell me Rawiri Waru.
Kei te Kura Takiura o Waiariki te kura e tū ana, hei te Rāmere mutu ai.