Ko te tau rima tekau mā toru tēnei mo te poukai ki Kōkōhinau Marae, Te Teko. I noho mai te tuahine o Kingi Tuheitia, a Hēni, hei kanohi mō te kāhui ariki.
Ki tā te Kaikōrero mo te whare, a Rahui Papa kei te pai a Kingi Tuheitia, engari ko tōna aronga kia piki tana ora.
Kei te kaha te Kīngitanga ki roto i te rohe o Mātaatua heoi nā te tuahine kē o Kingi Tuheitia ngā taura here i whakaara ake i Kōkōhinau Marae.
Nō te tau ono tekau mā toru tae mai ai te minenga ki tēnei poukai, ā, ko ngā take o tērā wā kei te hāngai tonu i tēnei rā.
Na Eruera Manuera te whakaaro kia tū te poukai ki konei, hei taura here i waenga i te Kīngitanga me ngā iwi kei te rohe o Mātaatua.
Hei te tuawhitu o Hui Tangarū tū ai anō te poukai ki Taniwha Marae, Ohinewai.
