Neke atu i te rua rau iwa tekau mano ngā tāngata moutere kei Aotearoa nei e noho ana. Engari kei te pāpōuri ētahi hapori moutere nā runga i te karere nui mō te Tahua Pūtea i tērā wiki.
Kua waihangatia te Pirimia a Bill English he whitu ira toru miriona tara mo nga kaupapa turuhi o Hamoa hei whakanui i ta ratou mana motuhake mo nga tau rima tekau ma rima.
E ai ki a Reipa, ehara tera i te rongoa pai mo Ngai Hamoa i Aotearoa, a, kei te aaki tetahi kaitakawaenga pakihi mo nga moutere ki te whakatenatena i nga uri whakaheke kei Tamaki Makaurau ki te Tonga.
I tenei wiki a Nahinara ka whakaputa i te karere mo te toru miriona tara mo nga take Moutere, ki te whakatu kaupapa hoki mo nga iwi maha, heoi ano hei ta te mema mo Reipa a Aupito Su'a Williams Sio, kua tango atu te rima tekau mano tara mai i te huihuinga moutere nunui o te ao, te ASB Polyfest, a, ko nga kura ka raru.
E ai ki a Minita Joyce, kare he paku putea kua tango mai i te Polyfest, a te mutunga o tenei tau ka mutu te tahua putea, toru tau te roa. Ko te whakapono a William Sio mai i tenei tahua putea, ko te hunga whai rawa ka whiwhi.
