Ka ahu te pēne reggae Sons of Zion ki Amerika mō ngā wiki e ono hei te waenganui tau kia toro atu ki te Tai Hauāuru i reira, kātahi ka tau atu ki Āhia.
He haerenga nui rawa tēnei ki a rātou, engari, ka kore rātou e wehe mēnā kāore anō kia oti tā rātou kōpae hōu.
Tata ki te tekau tau nō tā rātou whakangahau tuatahi i Aoteaora, kei te kake tonu a Sons of Zion i ngā taumata, ināianei, kei te aro pū rātou ki Amerika.
I angtīu rātou i ngā rārangi waiata o Aotearoa nā ngā waiata The Weekend me Good Love, kei te taraia tonutia tō rātou momo waiata i a rātou e mahi ana i ngā oruōrua hōu mō te kōpae tuatoru.
I piri tahi rātou i raro i tā rātou whakapono ki te hāhi kotahi, nā o rātou uara me ngā whakapono ka noho māhaki tonu ai rātou.
Ka haere tahi rātou me te rōpū Rebel SoulJahz ki tāwāhi, engari, i te wā nei kei te whakakīnaki rātou i te kōpae hōu kia puta hei te tekau mā tahi o Hui Tanguru.